لقتنى لوحدى

ف ابتدائى..كانوا صحابى 4...

كنا علماء..فكرنا كتير فى المستقبل...ونقدر نغير كل حقيقه بنسمعها فى خبر  على القناه التانيه..

كنا طموحين,....حبيتهم..حبونى..وعلمتهم وعلمونى....بس جيت وضعت حاجز بينى وبنهم..وسبت المدرسه ..وروحت مدرسه تانيه..

فى اول يوم فى الدراسا الجديده..نازل من البيت انا ووالدتى ..لقيت صديقى جايلى عشان ياخنى ونروح المدرسه..

زعلت اؤى..وعيطت جداا..لما ماما قالته ده راح مدرسه تانيه..وهوا اتصدم حبه ..وماشى وهوا فاكرنا بنضحك عليه..كنت بحبهم اوى..

بس الحمدد لله على كل شىء

مدرستى الجديده كانت تختلف..

الوسط بتاع الطلبه اختلف....التفكير الاختلف..لقتنى فجئه مش ممعايا عباقره..والعبقرى الوحيد الى لقيته...للاسف معرفتش اصاحبه

عشان كنت بغير منه ..

لقتنى لازم احتك...لقيت حاجات غريبه..مش متعود اشوفها...

من ناحيه العيال الى بتتباها بكل حاجه..وكل يوم يؤل لزمايله انه اخد مصروف قد ايه النهارده

ومن ناحيه تانيه...الطلبه الحبيبه..والى بيحبوا فى بعض وهما فى ابتدائى..

ومن ناحيه تالته..لقيت التافه..والرخم..والهادىء...والعبيط...

والدنيا اتدروشت حوليا ..لقتنا باندمج..دخلت فى النص...كنت بذاكر اه..بس كنت بحاول اختلط..اختلطت بالحبيبه.

ومكنتش عاوز احب..رغم انى كنت مصر انى افضل شيك وجميل...وللاسف بنت حبتنى فى ابتدائى

بس طبعا انا اؤلتها ايه الهبل ده..لانى بجد مكنتش بحب...

كنت بحب ان الكل يجبنى..واناا احب الكل..

مفكرتش ان احب حد لوحده اكتر..

والحمدد لله كنتى ذكى كفايه رغم كل شىء انى  محبش..

وزهقت منهم..اصلهم كانوا قلالات الادب اوى ...وبجد كانوا تافهين اوى 

انا خلتنى ليا..واؤلت ادور على حد جديد...لقتلى واحد هادى..

وده كان ارخم ما يكزن رغم حبى ليه

قرار انى اشوف غيره مخدش منى غير 5 ثوانى

بعد صداقه فتره..

صاحبت الصايع..الى بيجروا وارا الكلاب..

لقتنى كرهت الهبل ..حبيت اثارته..بس بابا شافنى وانا ماشى معاه..وادانى علقه محترمه وقالى مشفكش تانى معاه..

صاحبت بنات..حسيت انى مخنث...ولما يكون الولاد قاعدين سوا ..وانا قاعد حوليا 3 بنات بنحكى انى منهم..

وطبعا عارفين ان فى ابتدائى الابله كانت بتعاقب الولد وتأعده جنب البنت..

ف لقتنى بحاول معدش معاهم..واروح اشبط نفسى مع الولاد..

لحد ملقتنى بعدت ..وملقتش حاجه اعملها ..غير انى العب ..ولنشاط..

جابولى ابن خالتى المدرسه بنفس الطريقه الى شالونى بيها من وسط صحابى

وطبعا كنت متوقعين انه ياخد فتره على ميتأقلم 

بس اقمنا اخدنا بعض عن حب :)

وبدئنا فى المدرسه حياه مستقره..وعرفنا نصاحب سوا والدنيا بقت كويسه 

حتى بعد ما نقلوه تانى ...كنت ساعتها استقريت..وعرف المدرسه كلها..

الاعدادى .....

وديه بقا كانت راكده جدااا..

ومش حتكلم فيها كتير..لانى مطلعتش بالاعدادى غير بعلاقات سطحيه

وكانوا صحابى فى الاعدادى من حتتى...

بس كلهم دخلوا صنايع..الا انا المووكوس الوحيد الى دخل ثانوى 

>>>

ودارت العجله لقتنى فى ثانوى...صاحبت كتير وشفت كتير..بس فى ثانوى عرفت يعنى ايه صاحب ندل...

وعرفت ايه الى الناس بتتكلم عنه